Mga lumang awitin sa Merk's

Ito ang gabi ng pagbabalik-tanaw at awitin kasama ang mga bituin. Itatanghal ng Merk’s Bar Bistro ang Three For The Road: A Tribute To Davis, Jr., Bennet & Sinatra kasama sina Richard Merk, Robert Seña at Mon David sa Mayo 6 at 13.

Ang pagtatanghal na ito ay isang pagpupugay sa husay nina Sammy Davis Jr., Tony Bennet and Frank Sinatra. Ang mga awitin nila ay bubuhaying muli nina Richard, Mon at Robert.

Balikan ang mga awitin gaya ng "Tender Is The Night", "Witch Craft", "The Days Of Wine & Roses", "Angel Eyes", "I Left My Heart In San Francisco", "In The Wee Small Hours", "I’m A Fool To Want You" at "The Shadow Of Your Smile".

Bukod sa musika, may isa pang inihahain ang Merk’s Bar Bistro– ang mga pagkaing hatid ng iginagalang na kusina ng Bistro Remedios.

Ang Merk’s Bar Bistro ay nasa ikatlong palapag ng Greenbelt 3, Ayala Center, Makati City.

Bisitahin ang website www.merksbarbistro.com o di kaya’y mag-email sa [email protected]. Para sa karagdagang impormasyon, tumawag lamang sa 757-4720 at 757-4721.

Samantala, si Richard ay maglalabas ng recording sa ilalim ng sarili niyang Trademerk Concepts, Inc. label, ang Manna Records. Ang bagong label na ito ay ang maglalabas ng bagong album ni Annie Brazil sa susunod na buwan.