Lumalaban si Via!

Dahil alam niya na sa halip na mabawasan ang bilang ng mga artistang babae na pumapayag mag-bold sa pelikula, regular ang pag-aalaga ni Via Veloso sa kanyang katawan.

"Ito ang puhunan ko sa aking trabaho kaya ayaw kong lumobo ang aking katawan. Nagpapapayat ako talaga at hindi naman sa pagmamayabang, kayang kaya ko pa ring makipagsabayan hindi lamang sa pagandahan ng katawan kundi maging sa pagalingan ng pag-arte," ang sabi ng dalaga na talagang ibang iba ang alindog ngayon. Higit siyang naging maganda at sexy ngayon.

Sa bago niyang pelikula sa El Niño Films na pinamagatang Bibingka, muling ipamamalas niya ang kanyang alindog na talaga namang napaka-flawless. Pero, higit sa paghuhubad niya at pakikipag-lovescene, ang pelikula niya aniya ay kumpleto ang sangkap at siguradong kalulugdan ng mga manonood.