'Larawan' ni Ruffa

Mula ika-14 ng Marso, iinit pang lalo ang parating na tag-araw sa pagdating ni Ruffa Gutierrez sa Larawan ng GMA. Pansamantalang iniwanan ni Ruffa ang kanyang mga international engagement sa US upang gumawa ng apat na espesyal na episodes para sa GMA.

Sa unang handog ng Ruffa sa Larawan: A Special Engagement, gaganap siya bilang isang TV personality na ikinahihiya ang sarili niyang ina. Hinahangaan siya at sinusubaybayan ang kanyang popular na tele-magazine show. Pero lingid sa kaalaman ng madla, mayroon siyang tinatago – ang ikinahihiya niyang ina na may sakit na parang ketong. Hanggang kailan kaya niya ito maitatago? At hanggang kailan kaya niya itatakwil ang kanyang ina?

Ruffa sa Larawan: A Special Drama Engagement, tuwing Miyerkules, 9:00 n.g. sa GMA hanggang April 4.