Kailan kaya?

Sa ngayon ang takbo ng ating gobyerno

Hindi mo malaman kung saan ang tungo;

Minsan ay pakaliwa minsan ay palayo

Dahil ang Pangulo’y waring nalilito?

Maraming beses nang itong president

May mga desisyon siya’y namamali

Kaso sa Mindanao ay maraming mali

Sa Mamasapano ay puro tiwali!

Kaso ng SAF 44 dapat ay tapos na

Pero hanggang ngayon pinag-uusapan pa

Bayad sa pamilya ngayon ay wala pa

Ano ang gagawin ng bawat pamilya?

Mga kawal natin laging naghihintay

Sa mga biyaya na dapat ibigay;

Kung laging ganito ang inaasahan

Huwag nang umasa kung wala rin lamang!