Biyaya sa obrero

Nakapagtataka ang ating gobyerno

Hindi alintana ang maraming tao;

Tingnan mo na lang ang mga obrero

Araw ng paggawa ay walang umento!

May mga obrerong saksakan ng sipag

Sa mga pabrika’y hindi nagtatamad;

Sa gawain nila’y walang nagmamatyag

Kaya ang umento’y malayong matupad!

Sa mga bumberong kalaban ng apoy

Halos buhay nila nakataya roon;

Walang pumapansin sa buong maghapon

Bigyan ng biyaya Pasko’t Bagong Taon!

Mga manggagawang nasa public service

Hindi alintana ng mga hepe o chief

Hirap sa gawain at babad sa init

Walang natatanggap promosyong matamis