Agosto 19

Ang Agostro 19 ay dakilang araw

Pagka’t kaarawan ng taong nagmahal

sa sariling wika nitong ating bayan

ang wikang Tagalog na kanyang minahal!

Noong nabubuhay si Pangulong Quezon

ang sariling wika kanyang isinulong;

ang Wikang Tagalog na kilala noon

pagka’t may batas pang siya ang nag-awtor!

Sinabi ni Quezon na Tagalog lamang

ang dapat na wika nitong sambayanan

at saka may batas siyang nilagdaan –

Tagalog ang ating wikang itatanghal!

Subali’t binigo nang maraming tao

adhika ni Quezon  dumakila tayo

iba’y ibang wika ang ginamit dito

kaya tayo’y bansang wika’y halu-halo!