Ako’y nag-iisa

Ako’y nag-iisa sa bagong tahanan

Upang malaman ko mga kasiraan;

Kung dito’y may mali mga kayarian

Dapat kong ireport bago malipatan!

Sa bahay na ito ang dapat lumipat

Pamilya ng bunso na may dalwang anak;

Bunso kong lalaki na may dalwang anak

Ga-graduate ng high school sa kolehiyong tanyag!

Balak ng pamilya ay saka umalis

Sa tirahang bahay sa malayong village;

Akong nakatira sa Mahogany Place

Kasamang lumipat ng mahal kong misis!

Sabaga’y okey lang ang nangyaring ito

Dahil nag-iisa at palaging solo;

Kapag nagrerelaks nagsusulat ako –

Nang lahat ng paksang isinatula ko!