Dili makalikay sa panagsang hulga

Dear Kuya Uriel,

Greetings! I want to know my CHI. I was born on October 31, 1979. Thanks and God bless. -- 0918-7434537

TUBAG: Natawo ka sa tuig sa kanding. Nakabaton ka og positive CHI nga on and off ang buylo. Tungod niini, may mga higayon nga dili ka makalikay sa panagsang hulga sa kakulian. Ayaw pag-angka sa mga pagsulay. Walay mahitabo sa imong kinabuhi kun magpadaog ka sa tentasyon gawas sa kapukanan.

* * *

Dear Kuya Uriel,

Hi...! Naa lang koy angay masayran bahin sa awom. Naa koy awom nga naa gyod sa agianan sa luha. Thank you very much and God bless. -- 0926-5678818

TUBAG: Kanang imong awom nagkahulogan og kagul-anan. Hayan dili ka lung-an pagsungog sa mga kasakit. Wala hinuon kini magpasabot nga dili ka gyod magmalipayon. Pero ang kalipay nga imong masinati posibleng tugbangan usab dayon og kasakit.

* * *

Dear Kuya Uriel,

Good day. Gusto lang kong makahibawo kun unsa ang among CHI sa akong live-in partner. I was born on May 23, 1973. Siya natawo sa May 21, 1973. Angay ba ming magpakasal? Sa unsang tuiga? Duna koy negosyong carenderia? Haom ba kini nako? Thanks. -- 0922-3997xxx

TUBAG: Managsama kamong natawo sa tuig sa baka. Nahimugso ka sa petsa nga ang elementong puthaw maoy essence of the day samtang ang imong ka-live in partner nahimugso sa petsa nga ang elementong yuta maoy essence of the day. Mas kusog ang momentum sa imong CHI kay sa CHI nga nabatonan sa imong live in partner. Dako ang purohan nga makabaton og katumanan ang imong mga pangandoy sa kinabuhi. Haom kanimo ang negosyo nga carenderia. Dili kamo perfect match sa usa’g-usa. Labing maayo nga magpakasal kini kay ang paghimo sa ingon makapakunhod sa negative influences sa inyong kinabuhi. Bisan unsang tuiga puyde kamong magpakasal. Buhata kini sa labing daling panahon.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.