Natawo sa buwan sa December

Dear Kuya Uriel,

I want to know my CHI in life. I was born on December 14, 1981. Thank you and more power.-- 0910-6041928

TUBAG: Natawo ka sa tuig sa sunoy. Nakabaton ka og CHI nga kusog kaayo ang positibong buylo. Dako ang imong kahigayonan sa pag-asenso kun ikaw magakugi sa pagbuhat sa maayo. Ayaw itugot nga maimpluwensiyahan ka sa mga masinahon ug mga hambogero. Buhata ang gituohan nimong angay buhaton basta wala lang kini mahisupak sa lagda sa katarong.

* * *

Dear Kuya Uriel,

Hi....! I want to know my CHI. I was born on November 1, 1978. Unsay dagan sa akong lovelife? Thank you very much. -- 0921-7687xxx

TUBAG: Natawo ka sa tuig sa kabayo. Nahimugso ka sa petsa nga ang elementong puthaw maoy essence of the day. Kusog ang buylo sa imong CHI. Hinuon, hayan nga maluya ang enerhiya sa imong CHI sa adlaw'ng Miyerkules nga maatol sa petsa 17 sa bulan. Sa natad sa gugma, perfect match nimo ang opposite sex nga natawo sa tuig sa tigre, kanding ug iro.Gamit sa kolor nga orange ug yellow.

* * *

Dear Kuya Uriel,

Good day. Mangutana ko bahin sa akong CHI. Natawo ko sa January 12, 1986. Naa koy awom sa wala nga side sa nawong. Unsay meaning? Thanks. -- 0920-5902287

TUBAG: Natawo ka sa tuig sa baka. Kadaghanan sa natawo sa 1986 nakabaton og horoscopic animal nga tigre. Apan lahi ang imong kaso sanglit ang petsa sa imong pagkahimugso nahisakop pa man sa horoscopic cycle sa baka. Nahimugso ka sa petsa nga ang elementong kalayo maoy essence of the day. Kusog ang momentum sa imong positive CHI. Nagpasalig kini alang kanimo og madagayaon nga kinabuhi. Epektibo ka sa natad sa arte ug musika. Dako'g purohan nga mosikat ka niining dapita ilabi na kun imong palamboon pag-ayo ang imong abilidad. Suwerte ang kahulogan sa imong awom.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.