Ang problema ni Teban

Dear Kuya Uriel,

Maayong adlaw kanimo. Magpatambag unta ko bahin ning akong problema. Naa koy textmate taga Bacolod. Nangayo siya og picture nako. Unsay akong buhaton? Okey ra ba kun ako siyang hatagan sa akong picture? Palihog tambagi ko. -- Teban, 0916-8528xxx

TUBAG: Anaa ra kana kanimo. Kun gibati nimo nga angay mo siyang hatagan, labing maayo. Wala may mawagtang kanimo kun hatagan mo siya sa imong hulagway. Mas maayo man hinuon kini aron makita ka niya bisan sa hulagway lang. Niining paagiha, mas mosamot ang inyong kasuod. Labing maayo usab nga mangayo ka og picture gikan kaniya aron imo usab siyang makita bisan sa hulagway lang.

* * *

Dear Kuya Uriel,

I want to know my CHI. I was born on July 1, 1988. Okey ba para nako ang negosyo? Daghang salamat. -- 0916-3398843

TUBAG: Nahimugso ka sa petsa nga ang elementong kahoy maoy essence of the day. Kasarangan nga kahimtang sa kinabuhi ang gipasalig sa CHI nga namugna sa petsa sa imong pagkahimugso. Ang pagbiyahe nga motabok sa dagat dili paborable alang kanimo tungod kay ang feng shui almanac nagpasidaan nga bulnerable ka sa disgrasya sa maong matang sa biyahe. On and off man god ang momentum sa imong positive CHI. "Be realistic and practical," maoy tambag sa Chinese feng shui. Sa natad sa negosyo, epektibo ka sa natad sa business nga may kalabotan sa advertising, panambal, pilosopiya ug pelikula. Dili maayo alang kanimo ang kanunay pagpakiglambigit sa kalihokang may kalabotan sa sugal. Natawo ka sa tuig sa dragon.

* * *

Dear Kuya Uriel,

Good day. I want to know my CHI. I was born on February 25, 1987.Thank you very much. More power to you and GOd bless. -- 0905-8492677

TUBAG: Natawo ka sa tuig sa koneho. Nahimugso ka sa petsa nga ang elementong kalayo maoy essence of the day. Kusog ang buylo sa imong CHI. Nagpasalig kini alang kanimo og madagayaon nga kinabuhi. Bukas alang kanimo ang daghang kahigayonan sa pag-asenso. Likay sa gugmang gidili. Labing maayo nga magbutang og ba-gua sa pultahan mayor sa balay aron pagkabig sa suwerte sa panginabuhi.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.