Natawo sa tuig sa iro

Dear Kuya Uriel,

Hi...! Good day. What is my CHI? I was born on April 28, 1982. Thank you very much. More power. -- 0918-3945754

TUBAG: Natawo ka sa tuig sa iro. Nahimugso ka sa petsa nga ang elementong yuta maoy essence of the day. Kusog ang buylo sa imong positive CHI. Bukas alang kanimo ang daghang kahigayonan sa pag-asenso. Epektibo ka sa natad sa negosyo. Apan dili maayo alang kanimo ang kanunay nga pagbiyahe.

* * *

Dearr Kuya Uriel,

Good day. I just want to know my CHI in life. I was born on January 2, 1987. Unsay akong kaugmaon? Thanks. -- 0916-6433824

TUBAG: Natawo ka sa tuig sa tigre. Kadaghanan sa natawo sa 1987 nakabaton og horoscopic animal nga koneho. Apan lahi ka. Alang sa imong kasayoran, ang tuig sa koneho nagsugod sa Pebrero 9, 1986 ug natapos sa Enero 28, 1987. Samtang ang tuig sa koneho nagsugod sa Enero 29, 1987 ug natapos sa Pebrero 16, 1988. Klaro kaayo nga ang petsa sa imong pagkahimugso (Enero 2, 1987) nahisakop pa sa tuig nga gidominahan sa tigre. On and off ang buylo sa imong positive CHI. Kasarangan nga kinabuhi ang imong masinati dinhi sa kalibotan. Lisod alang kanimo ang pagbugtaw sa ginamithi mong tingusbawan. May mga higayon nga bisan unsaon nimo’g paningkamot apan mahiagoman gayod nimo ang kapakyasan. Dili ang tanan nimong pangandoy sa kinabuhi makabaton og katumanan. Makatabang sa pagpalagsik sa imong positive CHI ang kanunay nga paggamit sa kolor nga silver, cream ug light brown.

* * *

Dear Kuya Uriel,

I just want to know my CHI in life. I was born on November 2, 1947. Thank you very much. More power. -- 0919-6313077

TUBAG: Baboy ang imong horoscopic animal. Nahimugso ka sa petsa nga ang elementong puthaw maoy essence of the day. Dako ang purohan sa pag-asenso tungod kay gitanyag kini kanunay nganha kanimo sa kahigayonan. Apan kun dili ka maantigong mopahimulos sa maayong kahigayonan, walay mahitabo sa imong kinabuhi.

* * *

Editor’s Note: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.