Lady Knights ‘di umubra sa Aussies

MANILA, Philippines — Niresbakan ng guest team Southern Storm Melbourne ang Colegio de San Juan de Letran, 26-24, 25-21, 25-19, sa pagsisimula ng 2026 Shakey’s Collegiate National Invitationals kahapon sa Ninoy Aquino Stadium sa Malate, Manila.

Pumalo si Sammy Pila ng 12 points mula sa 10 kills, isang kill block at isang service ace para banderahan ang Southern Stork Melbourne sa isang oras at  35 minutong pagdispatsa sa Lady Knights.

“I’m really proud of how the team continued to play our game. This is a different style of volleyball than what we’re used to. But we stuck together,” wika ng 5-foot-9 spiker.

Pinamunuan ni Judiel Nitura ang reigning NCAA champion sa kanyang 12 points.

Bumangon ang mga Aussies mula sa isang six-point deficit, 6-12, sa third set para kumpletuhin ang kanilang straight-set win sa Letran sa torneong suportado ng Shakey’s Pizza Parlor, Peri-Peri Charcoal Chicken, Potato Corner at R and B Milk Tea.

Nakatabla ang Lady Knights sa 18-18 kasunod ang pagsasanib-puwersa nina Pila, Hannagan at  Mayra Pacioni para sa 24-18 bentahe ng SSM.

Matapos umiskor si Reeza Abayon ay natawagan ng net touch violation ang Letran na tuluyan nang sumelyo sa panalo ng mga Aussies. sa torneong itinataguyod din ng Jetour, Baic, Eurotel, Victory Liner Rent & Go, F2 Logistics, Summit Natural Drinking Water, PusoP.com at Smart Sports.