956 pasaway, arestado sa Cavite

CAVITE, Philippines — Umabot sa may 956 katao ang naaresto ng Cavite Police sa may 5 oras lamang na operasyon kontra paglabag sa mga Ordinansang ibinaba ni DILG Secretary Jonvic Remulla.

Sa pagpapatupad ng Safer Cities ng Cavite Police Provincial Office (Cavite PPO), nagresulta ito sa pagkaaresto ng 956 na indibidwal na lumabag sa mga lokal na ordinansa. Kabilang ang may 527 na menor de edad na hinuli sa paglabag sa curfew hours, 244 naman ang naaresto na mga nag-iinom, paninigarilyo sa mga pampublikong lugar, at 73 na pawang mga kalalakihan ang naaresto sa pagtambay na walang suot na pang itaas sa kalsada.