Pulis na kritikal sa pamamaril ng kabaro, pumanaw na
MANILA, Philippines — Pumanaw na nitong Huwebes ang isang pulis na malubhang nasugatan nang barilin ng kabaro nito habang papaalis na sa lugar ng drug bust operation noong Enero 9 sa Gen.Trias City, Cavite.
Matatandaan na nitong Enero 9, alas-8:20 ng gabi nang magsagawa ng buy-bust operation ang General Trias City Police Station sa Barangay Santiago, General Trias City, Cavite na kung saan ay naaresto ang drug suspek na si alyas “Ace”, nasa hustong gulang na nakumpiskahan ng mahigit 6 gramo ng shabu.
Paalis na umano ang biktima at mga kasamahan upang dalhin na sa police station si alyas “Ace” nang sa hindi umano malamang dahilan ay bigla na lang silang pinagbabaril ng isang pulis na nakadestino sa ng Maritime Group na kinilala sa alyas “VY”, residente ng lugar.
Tinamaan si Vizmanos, na dinala sa Gentri Doctors Medical Center at naging kritikal ang kondisyon hanggang sa bawian ng buhay nitong Huwebes.
- Latest
