191 augmentation police mula Quezon tumulong sa seguridad sa INC rally
MANILA, Philippines — Umaabot sa 191 na operatiba ng Quezon Police Provincial Office (QPPO) ang ipinadala sa Maynila para tumulong sa pagpapanatili ng kaayusan at kapayapaan sa nagaganap na tatlong araw na INC rally.
Pinangunahan ni QPPO Director PCol. Romulo Albacea ang sendoff ceremony noong Sabado at nagbilin sa mga personnel ng Quezon Police na bigyang-diin ang kahalagahan ng disiplina at propesyunalismo ng mga miyembro ng Civil Disturbance Management (CDM) contingent na siyang mamamahala sa pagpapanatili ng kaayusan at kaligtasan sa tatlong araw na aktibidad.
Ang ipinadalang 191 personnel ay itinalaga para tumulong sa security coverage, magbigay ng police visibility, at mabilis na tumugon sa anumang sitwasyong maaaring maganap sa lugar ng rally.
Tiniyak ng QPPO ang kanilang ganap na kahandaan at patuloy na koordinasyon sa iba pang ahensya upang matiyak ang ligtas, maayos at mapayapang pagsasagawa ng aktibidad.
Naninindigan din ang tanggapan sa mandato nitong protektahan ang publiko at suportahan ang mga gawain nakabatay sa demokratikong karapatan ng mamamayan.
Sa kabila nito, tiniyak ni Col. Albacea na tuluy-tuloy ang serbisyo ng QPPO sa buong lalawigan ng Quezon at pinaigting ang mga anti-criminality campaign.
- Latest
