Driver natagpuang patay sa minamanehong trak
MARIVELES, Bataan, Philippines — Natagpuang wala ng buhay sa kanyang minamanehong trak ang isang lalaki sa Roman Highway, Barangay Batangas Dos, Mariveles sa bayang ito kamakalawa.
Kinilala ng kanyang pahinante ang biktima na si Joel Raymundo, 52 anyos residente ng Barangay Sto Niño, San Simon Pampanga.
Kaagad namang nakipag-ugnayan ang kasamahan ng biktima sa mga otoridad at ipinagbigay alam ang insidente.
Ayon sa ulat, nakita pa sa kuha ng CCTV camera ang biktima na bumaba sa kanyang minamanehong truck at mistulang may iniindang karamdaman.
Napag-alaman naman mula sa kaanak ng biktima na sumasailalim ito sa gamutan para sa sakit ng dibdib at tiyan.
Dumating din ang SOCO operatives sa lugar upang imbestigahan kung mayroong naganap na foul play sa pagkamatay ng biktima.
- Latest
