5 bayan, 1 lungsod sa Bulacan wala nang active COVID-19 cases
LUNGSOD NG MALOLOS, Philippines — Masayang ibinalita ng health authorities na limang bayan at isang lungsod sa Bulacan na wala na silang naitatalang aktibong kaso ng COVID-19.
Ayon sa Provincial Health Office (PHO), ang mga ito ay ang mga bayan ng Norzagaray, Balagtas, Guiguinto, Paombong at Plaridel at ang lungsod ng Meycauayan.
Sa pinakahuling tala ng PHO, nasa 65 na lamang ang aktibong kaso ng COVID-19 sa buong probinsya.
Sa kabuuan umaabot na sa 109,419 ang kumpirmadong kaso sa lalawigan kung saan 107,668 ang nakarekober na habang 1,686 ang nasawi.
Samantala, may 2,434,429 indibiduwal ang nakatanggap ng first dose ng bakuna kontra COVID, samantalang umabot naman sa 2,307,438 ang fully vaccinated na.
Nasa 552,841 naman ang nabigyan na ng booster shot.
- Latest