Lineman tigok habang nag-aayos ng kable
LEGAZPI CITY, Philippines — Patay ang isang lineman ng Albay Power Energy Corporation (APEC) matapos mahulog sa poste habang inaayos ang mga nasirang kable dahil sa bagyong “Rolly” sa Velasco Street, Dona Maria Subdivision, Brgy. Tagas sa Daraga, Albay kamakalawa ng tanghali.
Tinangka pang isugod sa UST Hospital sa Legazpi City pero hindi na umabot nang buhay ang biktimang si Hermes Mayor Nuyles, 53-anyos, may-asawa at residente ng Purok-2 ng naturang barangay.
Sa ulat, dakong alas-12:15 ng tanghali habang nasa itaas ng poste ng kuryente ang biktima at inaayos ang mga kable nang aksidenteng mahulog at bumagok ang ulo sa semento.
Mabilis na rumesponde ang Daraga Bureau of Fire Protection at mga pulis at mabilis na isinugod ang biktima sa ospital pero idineklarang patay.
- Latest
