Rapper todas sa ‘love triangle’
CAVITE, Philippines — Isang fliptop rapper ang patay sa harap ng kanyang nobya matapos na barilin ng isang lalaki dahil sa hinihinalang “love triangle” sa Imus City kamakalawa.
Kinilala ang napatay na biktima na si John Ross Delos Santos, mas kilala sa tawag na LilJohn, 35-anyos. Sa ulat, si Delos Santos ay nakaupo sa kanyang motorsiklo bandang alas-5:30 ng hapon sa Main Road, Legian 2B Subdivision, Brgy. Carsadang Bago 1, Imus City nang biglang lapitan ng suspek at ilang ulit na pinagbabaril.
Kasama ng biktima ang kanyang nobya na si Danielin Licup na masuwerteng hindi tinamaan ng bala. Dinala pa sa Ospital Ng Imus ang biktima pero idineklara na siyang dead-on- arrival. Patuloy ang imbestigasyon ng pulisya at sinisilip ang anggulong love triangle sa krimen.
- Latest
