Trader, 1 pa dedo sa aksidente
MANILA, Philippines — Hindi na umabot pa sa pagsalubong ng bagong taon ang dalawa katao makaraang maaksidente sa hiwalay na lugar sa bayan ng Norala, South Cotabato kahapon ng madaling araw.
Kinilala ni P/Chief Inspector Marifel Maganto, hepe ng Norala Police ang unang biktima na si Roger Floro, 40, negosyante, nakatira sa General Santos City na nagtamo ng matinding sugat matapos na tumilapon sa sementadong kalsada at dead-on-arrival sa Norala District Hospital.
Lumalabas na nabangga ng minamanehong motorsiklo ng biktima ang stockpile sa tabing daan ng Brgy. Poblacion, Norala, habang patungong Brgy. San Jose, sa nasabing bayan alas-12:30 ng madaling araw. Samantala, patay din sa “hit and run” ang 17-anyos na out of school youth na si Vincent Calibayan sa Brgy. San Miguel, Norala South Cotabato matapos na mahagip ng humaharurot na pickup truck habang siya ay naglalakad lamang sa tabing daan dakong alas-2:30 ng madaling araw.
- Latest