Rookie cop ginulpi ng 4 senglot
TUGUEGARAO CITY, Cagayan, Philippines — Natangayan ng baril ang 26-anyos na bagitong pulis matapos itong gulpihin ng apat na senglot na sinasabing miyembro ng Agaw-Armas Gang sa Barangay Cabanbanan Sur, bayan ng Gonzaga, Cagayan noong Martes ng gabi. ?
Sa police report na nakarating kay P/Chief Insp. Edgar Manuel, hepe ng Gonzaga police station, bugbog-sarado sa apat na senglot si PO1 Mac Nair Villarao matapos niyang sitahin ang apat na nagmomotorsiklo dakong alas-7 ng gabi.?
Nabatid na dinisarmahan si P01 Villarao ng cal.45 pistol habang nakahilata sa kalsada saka tumakas ang mga suspek sakay ng dalawang motorsiklo.
Isinugod naman ng mga sumaklolo ang pulis sa Alfonso Ponce Enrile Memorial District Hospital matapos ang insidente. Isa sa apat na suspek ay nakilalang si Rodel Sebastian ng Barangay Villa Leonora sa bayan ng Buguey.
- Latest
