Lider ng magsasaka, itinumba

COTABATO CITY, Maguindanao, Philippines - Patay ang 64-an­yos na auditor at lider ng Mailuminado Farmers Association Incorporated (MAFAI) matapos itong barilin at saksakin pa ng riding-in-tandem assassins sa Barangay Ilustre, bayan ng Upper President Roxas sa North Cotabato kamakalawa ng gabi. Base sa police report, nakaupo sa labas ng tindahan ang biktimang si Willerme Agorde nang lapitan at barilin. Nabatid na si Agorde ay isa sa mga aktibong lider ng MAFAI na nakikipaglaban sa karapatan ng mga magsasaka kaugnay sa land issue ng Cotabato Foundation College of Science and Technology-University of Southern Mindanao Reservation area. Isa rin si Agorde na lumahok sa kilos-protesta ng CFCST campus sa bayan ng Arakan noong December 2016.