2 nene ni-rape ng banyaga

PAMPANGA, Philippines – Dalawang menor-de-edad na babae ang minolestiya ng banyagang lalaki sa tinutuluyan nitong bahay sa Friendship Highway sa Barangay Malabanias, Angeles City, Pampanga noong nakalipas na linggo. Bandang alas-12:30 ng hapon nang masakote sa Sitio Magkalinis, Riveside ang 44-anyos na suspek na si Xavier Dupas, French national. Sa police report na isinumite sa Camp Julian Olivas, inaresto ang suspek dahil sa reklamo ng mga magulang ng dalawang nene na edad 8 na sinasabing nahikayat nito saka minolestiya sa kanyang bahay. Nabatid sa mga biktimang mag-aaral sa elementarya na binabayaran sila ng suspek kapalit ng maitim na pagnanasa. Inaresto ng mga opisyal ng barangay sa pangunguna ni Chairman Rey Gueco ang suspek saka dinala sa Angeles City PNP. Pormal nang sinampahan ng kaukulang kaso ang suspek habang nakakulong sa Angeles City PNP.