2 akyat-bahay arestado

BULACAN , Philippines- Kalaboso ang dalawang miyembro ng Akyat-Bahay Gang makaraang maaktuhan sa pagnanakaw sa Barangay Saog, bayan ng Marilao, Bulacan kahapon ng madaling araw. Nakatakdang kasuhan ang mga suspek na sina Ferdinand Policarpio, 25, ng Barangay Pandayan, Meycauayan City; at Bravery De Juan, 20, ng Brgy. Malinta sa Valenzuela City. Base sa ulat ng pulis­ya, ang mga suspek ay naaktuhang nagnanakaw ng mga gamit sa bahay ni Kagawad Troy Gallardo. Narekober sa mga suspek ang mga ari-arian ng biktima at nasamsam din ang cal. 22 revolver, mga bala at patalim.