11-anyos nene patay sa gang rape!
CAMP SIMEON OLA, Legazpi City, Philippines – Brutal na kamatayan ang sinapit ng isang 11 anyos na batang babae matapos na halinhinang halayin at pinatay ng tatlong lalaki sa isang liblib na lugar sa Barangay Guibanuahan, Balud, Masbate kamakalawa.
Ang biktima na itinago sa pangalang Jasmine ay natagpuan ng isang isang Rodery Benoman dakong alas-9:30 ng umaga na walang saplot ang katawan, may tali ng sinturon sa leeg at nakahandusay sa liblib at madamong lugar ng naturang barangay. Agad na ipinagbigay-alam sa magulang ng biktima at pulisya ang insidente.
Sa pagsisiyasat, natukoy ang isa sa suspek na Alvin Velarde, 21, at sa interogasyon, inginuso nito ang dalawa pa niyang kasamahan na sina Nobe Mesa at Marlou Fuentes, pawang nasa hustong gulang at residente sa lugar na ngayon ay pinaghahanap ng mga awtoridad.
Nabatid ng pulisya na una nang ginahasa ng mga suspek ang biktima sa kanilang bahay habang wala siyang kasama subalit sa takot ay hindi nagsumbong sa magulang.
Muli umanong inabangan ng mga suspek ang biktima at halinhinang ginahasa sa nasabing lugar kamalawa. Posible umanong nagtangkang pumalag ang bata at nagsisigaw kung kaya siya pinatay ng mga suspek sa pamamagitan ng pagsakal sa leeg nito ng sinturon.
- Latest
