Trader natagpuang bangkay

BULACAN, Philippines – Natagpuang nagsisimula ng maagnas ang bangkay ng isang 52 anyos na negosyante sa loob ng pag-aari nitong tindahan sa Brgy. Longos, Balagtas, Bulacan kamakalawa ng gabi.Kinilala ang biktima na si Zaldy Cabañero, 52, residente ng nasabing lugar. Sa imbestigasyon ni PO3 Robert Dilag, nadiskubre ang bangkay ng biktima sa loob ng pag-aari nitong sari-sari store ng isa ring residente sa lugar. Nabatid na nangangamoy na ang bangkay ng biktima ng matuklasan ito na agad namang ini-report sa pulisya. Inaalam pa ng mga awtoridad kung ano ang sanhi ng pagkamatay ng negosyante. (Boy Cruz)