Tulak dinedo ng kabaro

NORTH COTABATO, Philippines – Napatay ang sinasabing drug pusher matapos itong ratratin ng isang lalaki na bumibili ng bawal na droga kamakalawa sa Purok 4, Barangay Labuan, Zamboanga City. Kinilala ng pulisya ang biktima na si Mheng Salasain ng Zone 5, Barangay Ayala sa nasabing lungsod habang nasakote naman ang suspek na si Nasser Addah, 27, ng Barangay Mantibo sa bayan  ng Sibuco, Zambonga Del Norte. Ayon kay P/Senior Insp. Chester Natividad, may personal na galit ang suspek sa biktima kaugnay sa bentahan ng bawal na droga. Narekober sa crime scene ang siyam na basyo ng bala ng cal.45 pistol at ang motorsiklong ginamit ng biktima na sinasabing inagaw sa may-aring si Redewn Salapuddi ng Barangay Recodo.