Mag-inang trader utas sa tandem

TUGUEGARAO CITY, Cagayan, Philippines – Magkasunod na sinalubong ni kamatayan ang mag-inang negosyante matapos pagbabarilin ng motorcycle-riding assassins sa Barangay Macarang, bayan ng Mangatarem, Pangasinan kamakalawa ng madaling araw. Sa ulat na nakarating kay P/Chief Insp. Rex Infante, hepe ng Mangatarem PNP, naglalakad ang mag-inang Virginia Delera at Benjamin Delera patungo sana sa pamilihan upang mamakyaw ng mga gulay nang sundan at ratratin ng tandem. Bulagta agad ang mag-ina at hindi na nakaabot ng buhay sa ospital matapos ratratin. Tinangay ng tandem ang wallet ni Benjamin na naglalaman ng malaking halaga na sinasabing ipamimili sana ng mga gulay sa palengke. Narekober sa crime scene ang walong basyo ng bala ng cal. 45 pistol habang patuloy naman ang pagsisiyasat.?