Wanted patay sa shootout

CAVITE, Philippines – Napatay ang ika-2 most wanted person matapos makipagbarilan sa pangkat ng pulisya sa Barangay San Francisco, Tropical Village sa bayan ng General Trias, Cavite kamakalawa. Ayon kay P03 Fruelan Manic, bandangh alauna ng madaling araw nang makasagupa at mapatay ng mga awtoridad ang wanted na si Carlo “Boknoy” Nolasco ng nasabing barangay. Base sa tala ng pulsya, si Nolasco ay may nakabinbing warrant of arrest sa kasong robbery with homicide sa nasabing bayan. Narekober sa encounter site ang cal .38 revolver at mga basyo ng bala.