7 hinoldap sa fitness gym
BULACAN, Philippines - Pito-katao na sinasabing nagsu-zumba dancing sa fitness gym ang hinoldap ng mga armadong kalalakihan kamakalawa ng gabi sa Barangay Tikay, Malolos City, Bulacan.
Kabilang sa mga biktimang dumulog sa himpilan ng pulisya para magreklamo ay sina Rosmin Lapuz, 34, negosyante, ng Barangay Longos; Donna Joy Estrella, 23, ng Barangay Mojon; Carlo Christopher Pascasio, 26, ng Barangay San Pablo; Ephaim Jerome Lubo, 21; Jonathan Delavega, 33, fitness instructor; Felicidad Ariego, 50, mga residente sa bayan ng Guiguinto; at si Ma. Mirasol Bautista ng Barangay Sta. Elena sa bayan ng Hagonoy.
Ginawang gateaway vehicle ng mga holdaper ang kinarnap na Mitsubishi Montero (NC-6462) na pag-aari ni Lapuz na nakaparada sa bisinidad ng nasabing fitness gym.
Sa imbestigasyon nina PO3 Ariendo Lorenzo at PO2 Ronald Rosario, kasalukuyang nagsu-zumba dancing ang mga biktima sa Fitness Edge nang pasukin at holdapin ng mga armadong kalalakihan.
Kaagad na kinulimbat ang mga personal na ari-arian ng mga biktima saka tumakas gamit ang kinarnap na SUV ni Lapuz.
- Latest