Bisor niratrat ng tandem, dedo

BULACAN, Philippines - Pinabulagta ang 34-anyos na babaeng supervisor ng corporasyon matapos itong pagbabarilin motorcycle-riding snatcher sa Barangay Sto. Niño, bayan ng Calumpit, Bulacan kamakalawa ng hapon. Tatlong tama ng bala sa ulo at katawan ang tumapos sa buhay ni Liza Montano, purchasing supervisor sa Santeh Feeds Corporation at nakatira sa Barangay Sampaga, Apalit, Pampanga. Ayon kay PO2 Christoper Ramiscal, pauwi na ang biktima mula sa trabaho nang hablutin ang kanyang bag ng tandem habang ito ay tumatawid sa kalsada. Gayon pa man, nanlaban ang biktima kaya siya pinagbabaril saka tumakas ang gunman patungo sa direksyon ng Pulilan.