Pulis patay sa mishap

TUGUEGARAO CITY, Cagayan, Philippines - Hindi na umabot ng buhay sa pagamutan ang 34 anyos na pulis matapos itong bumalandra sa nabangga niyang traffic sign ng DPWH at magulungan naman ng kasalubong na traktora sa kahabaan ng highway sa Barangay  Baculud, bayan ng Alcala, Cagayan kamakalawa ng gabi.? Kinilala ni PO2 Luis Bermijiso ang kabarong namatay na si PO2 Joel Dayag na nakatalaga sa PNP 3rd Maneuver Company sa bayan ng Lallo.? Lumalabas sa imbestigasyon na papunta sa kanyang kampo ang biktimang nakamotorsiklo para mag-duty nang nabangga niya sa gilid ng kalsada ang signboard ng DPWH.?Tumilapon sa kabilang linya ang biktima at nasagasaan naman ng Isuzu tractor na minamaneho ni Hanibal Ogana. Naisugod sa Alcala Municipal Hospital subalit namatay din ang biktima habang sumuko naman sa pulisya ang driver ng traktora.