No. 1 ‘most wanted’ na tserman, timbog
LEGAZPI CITY, ALBAY , Philippines - Hindi na makapalag ang isang incumbent barangay captain na tinaguriang number 1 “most wanted person†dahil sa kasong panggagahasa sa kanilang bayan nang arestuhin sa isinagawang operasyon ng mga awtoridad sa loob ng Municipal Hall sa South Centro, Sipocot, Camarines Sur kamakalawa ng umaga.
Kinilala ang suspek na si Brgy. Captain Rogener Casao, 41, may-asawa, ng Brgy. Caima ng naturang bayan.
Nasakote si Casao dakong alas-8:15 ng umaga base sa bisa ng warrant of arrest na ipinalabas ni Hon. Judge. Angel S. Malaya, presiding judge ng RTC Branch 22, Naga City sa kasong rape at walang inrekomendang piyansa para sa pansalamantang paglaya nito.
Nauna rito, nagtungo ang nasabing chairman sa munisipyo para sa mahalagang pagpupulong na agad na sinamantala ng mga awtoridad hanggang sa maaresto.
Ilang taon na umanong nagtago ang suspek dahil sa kasong kanyang kinasasangkutan hanggang sa tumakbo sa pagka-tserman ng barangay ng nagdaang halalan.
- Latest