Magsasaka, lolo itinumba

NORTH COTABATO, Philippines - Hindi nakaligtas sa karit ni kamatayan ang isang magsasaka makaraang ratratin ng grupo ng agaw-motorsiklo sa Barangay Nasapian, bayan ng Carmen, North Cotabato kahapon ng umaga. Kinilala ni P/Supt. Franklin Anito, hepe ng Carmen PNP ang biktima na si Obet Amozon ng Barangay Poblacion sa nasabing bayan. Tinangay ng grupo ang motorsiklo ng biktima. Samantala, Napatay naman ang 60-anyos na si Felis Salindag matapos itong pagbabarilin ng suspek na si Bansilo Balagan dahil sa matinding selos kamakalawa sa naganap na karahasan sa Sitio Elnofo, Barangay Lamfugon, bayan ng Lake Sebu, South Cotabato habang patuloy namang pinaghahanap ang suspek.