5 kritikal sa road mishap??

TUGUEGARAO CITY, Cagayan, Philippines - – Lima-katao ang malubhang nasugatan matapos salpukin ng kanilang van ang isang bahay saka sumadsad sa  kahabaan ng highway sa Barangay Magapit sa bayan ng Lallo, Cagayan kamakalaya. 
Kinilala ni P/Chief Insp. Jacinto Tuddao, hepe ng Lallo PNP, ang mga biktima na sina Tom Jefferson Chua, 21, driver ng van; Paul Jay Abinan, 23; Jeff Lester Rosales, 21; Rasol Ambul, 21;  at si Mark Genesis Chua, 24. 
 Base sa police report, pumutok ang isa sa unahang gulong ng van biktima malapit  sa Magapit suspension bridge kaya nawalan ng control sa manibela ang driver. 
Dito na tuluyang sumalpok ang van ng mga biktima sa bahay ni Vicmon Cabildo kung saan wala namang tao sa loob ng bahay nang naganap ang sakuna. 
Sumadsad ang van sa kahabaan ng highway matapos mabangga ang bahay habang naisugod naman sa Matilde Olivas District Hopital ang mga biktima.