Holdaper dedo sa barilan
Cavite, Philippines — Patay maÂtapos na makipagpalitan ng putok sa mga nagresponÂdeng operatiba ng pulisya ang isang pinaghihinalaang notoryus na miyembro ng robbery/holdup gang na nang-hostage at nangharang pa ng sasakyan sa tapat ng isang supermarket sa Tanza, Cavite kamakalawa.
Ang bangkay ng suspek na inaalam pa ang pagkakaÂkilanlan ay dinala na sa Ernest Funeral Homes habang tinutugis pa ang nakatakas nitong kasamahan.
Sa imbestigasyon ni PO1 Joel Mendoza may hawak ng kaso, alas-2 ng hapon ng magsimula ang engkuwentro ng pulisya laban sa mga suspek sa harapan ng Puregold supermarket sa Brgy. Amaya 3 ng bayang ito.
Bago ito ay hinoldap ng mga suspek si Dr. Ryan Pangilinan sa Dental Clinic nito sa Brgy. Poblacion IV ng nasabing bayan na natuÂnugan naman ni PO1 Hernan Romanes kung saan nanghostage ang isa sa mga ito ng bata habang nakatakas naman ang isa pa na sumakay sa isang kulay puting van (NOW-393 ).
Tinutukan nito ng baril ang bata habang mabilis na tumatakbo at ng may makita itong paparating na Mitsubishi Adventure (WEG 295) ay agad nitong hinarang at tinutukan ang driver bago pinababa saka kinomander ang saÂsakyan habang iniwan naman ang paslit. ÂNagkaroon ng habulan na nauwi sa shootout sa pagitan ng pulisya at ng suspek na ikinasawi nito.
- Latest