Magsyota niratrat sa mall

CAVITE, Philippines - - Napatay ang 23-anyos na babae habang sugatan naman ang boyfriend nito matapos pagbabarilin ng di-kilalang lalaki sa labas ng mall kamakalawa ng hapon sa Barangay Burol 1, Dasmariñas City, Cavite. Napuruhan sa ulo ng dalawang bala ng baril ang ang biktimang si Manilyn Fernandez ng Blk 9, Lot 10 Barangay San Andres 1 sa nasabing lungsod. Kinilala naman ang sugatang si Jeffrey “Saddam” Solayman ng Barangay H2 sa nabanggit na barangay. Sa ulat ni P01 Elmer Belaro, nakatayo ang magsyota sa labas ng mall nang lapitan at ratratin sa ulo si Manilyn saka isinunod na putukan ang lalaki. Sinisilip ng pulisya ang anggulong love triangle  matapos na makatanggap ng pagbabanta sa buhay ang babae kaugnay sa relasyon nito kay Sadam.