2 nangisay sa kuryente

TUGUEGARAO CITY, Cagayan, Philippines – Napaaga ang salubong ni kamatayan sa dalawang sibilyan matapos makuryente sa magkahiwalay na insidente sa bayan ng Pagudpud, Ilocos Norte at sa bayan ng Jones, Isabela kamakalawa. Si Russel Batoon, 37, ay nangisay at namatay matapos mapahawak sa talop na kable ng kuryente habang kinukumpuni ang linya ng Ilocos Norte Electric Cooperative sa Barangay Pasaleng, bayan ng Pagudpud, Ilocos Norte. Samantala, namatay din ang 16-anyos na estudyanteng si Aprilyn Joy Daco matapos itong mapahawak sa posteng bakal na may kuryente sa bahagi ng Barangay Diarao sa bayan ng Jones, Isabela.