Misis dinedo ng mister

CAMP SIMEON OLA, Legazpi City, Philippines – Pinabulagta ang  30-anyos na misis makaraang saksakin ng kanyang selosong mister sa loob ng kanilang bahay kamakalaw ang gabi sa Purok 6, Barangay Herrera, Ligao City, Albay. Naisugod pa sa Josefina Belmonte Duran Memorial District Hospital subalit idineklarang patay si Marife Guevarra habang nasakote naman ang suspek na si Samuel Francisco, 50. Nabatid na kinompronta ng suspek ang kanyang misis dahil sa napabalitang may ibang lalaki na nanliligaw dito kung saan itinanggi naman ng babae ang akusasyon sa kanya. Dito na nagdilim ang paningin ng suspek at inundayan nang sunud-sunod na saksakin ang biktima bago tumakas subalit nakorner naman ng mga barangay tanod.