Misis pinatay, sinunog

CAVITE, Philippines – Kalunus-lunos na kamatayan  ang sinapit ng isang misis matapos itong paslangin ay sinunog pa ng mga di-kilalang kalalakihan bago inabandona sa bahagi ng Purok 7, Barangay Conchu, Trece Martirez City, Cavite kamaka­lawa. Bandang alas-6:45 ng umaga nang matagpuan ang sunog na katawan ng biktima na walang anumang makitang pagkakakilanlan. Pinaniniwalaang biktima ng summary e­xecution ang babae na sinasabing binuhusan ng gaas bago sinilaban. Sumasailalim na sa post-mortem examination ang sunog na katawan ng biktima.