Bagong silang na sanggol itinapon sa ilog
MANILA, Philippines - Isang bagong silang na sanggol na putol ang ulo na halos humiwalay ang kaliwang hita ang natagpuang lumulutang sa Butuanon River, Brgy. Maguikay, Mandaue City, Cebu kamakalawa.
Sa ulat ng Cebu Police, bandang alas-8 ng umaga ng madiskubre ang bangkay ng sanggol na lumulutang sa naturang ilog matapos itong ireport ng isang concerned citizen.
Agad namang nagresponde ang Emergency and Rescue Unit Foundation at narekober ang bangkay ng sanggol na lumulutang sa ilog.
Ayon sa ulat nakakabit pa ang ‘umbilical cord’ ng nasabing sanggol na tinatayang isa o hanggang dalawang araw pa lamang na ipinanganak.
Sa pahayag ng mga rescuers, posibleng ang malakas na agos ng tubig sa ilog na humahampas sa may batuhan ang sanhi ng pagkaputol ng ulo ng sanggol at halos paghiwalay ng kaliwang hita nito.
Samantalang kasalukuyan ng pinaghahanap ng Women’s and Children’s Protection Desk ng Mandaue City Police ang ina ng sanggol na posibleng nagtapon sa ilog sa biktima.
- Latest
