3 dedo sa killer bus

MANILA, Philippines - Tatlo-katao ang kumpirmadong nasawi habang 8 naman ang nasugatan makaraang suwagin ng pampasaherong bus ang bahay sa tabi ng highway sa Barangay Damgo, sa bayan ng E.B. Magalona, Negros Occidental kamakalawa ng hapon. Kabilang sa mga nasawi ay ang mag-iinang Floreza Pelajeyos, Gaspar, 8; at si Jillian Llames, 1, habang ang mga sugatan naman ay isinugod sa Teresita Lopez Jalandoni Provincial Hospital sa Silay City. Lumilitaw naman sa imbestigasyon na nawalan ng preno ang Ceres Bus ni Jez Martinez na may 30 pasahero na patungong Victoria City mula sa Bacolod City. Nabatid na tinangka ng driver na iwasang mabangga ang kasalubong na multicab pero bumangga naman ito sa bahay sa tabi ng kalye.