Mag-ama dedo sa road mishap
CAMARINES NORTE, Philippines – Kalunos-lunos ang sinapit na kamatayan ng isang mag-ama makaraang aksidenteng mabangga ng trailer truck ang sinasakyan ng mga itong motorsiklo sa highway ng Sitio Sampalok, Brgy. Banga Caves, Ragay, Camarines Sur kamakalawa ng umaga.
Sa lakas ng pagkakabangga ay tumilapon ang napugot na ulo ng driver ng motorsiklo na si Arjay Fuentes, 24 habang dead -on-arrival naman sa Ragay District Hospital ang kaniyang amang si Elmer na backrider nito.
Ayon sa pulisya, dakong alas-5 ng umaga habang binabagtas ng mag-ama na lulan ng kanilang motorsiklo ang pakurbadang daan ng mabangga ang mga ito ng trailer truck.
Ang mag-ama ay nagtamo ng grabeng pinsala sa katawan na siyang kumitil sa buhay ng mga ito.
Bagsak kalaboso naman sa Ragay Police Station ang driver ng truck na si Romeo Calinggiran.
- Latest
- Trending
