Police informer nilikida

TUGUEGARAO CITY, Philippines - Napatay ang 45-anyos na dating miyembro ng Philippine Constabulary na sinasabing naging police informer matapos itong pagbabarilin ng di-kilalang lalaki sa Barangay Centro sa bayan ng Peñablanca, Cagayan kamakalawa. Napuruhan sa dibdib ang biktimang si Ricardo Taguiam ng Barangay Gammad, Iguig, Cagayan. Wala pa rin nabubuong teorya ang pulisya kaugnay sa motibo ng pagpatay sa dating constable bagama’t may hinalang isa itong police informer. Sinabi ni PO3 Arnel Giquing ng Peñablanca PNP na may tatlong suspek na silang inimbitahan at boluntaryo naman nagpa-paraffin test.