Barangay kagawad nilikida

LEGAZPI CITY, Albay, Philippines – Napaslang ang 42-anyos na barangay kagawad matapos saksakin at barilin ng mga ‘di kilalang lalaki saka iniwan sa bakantgeng lote sa Barangay Mahayahay sa bayan ng Cawayan, Masbate kamakalawa ng gabi. Bandang alas-7 ng ­umaga kahapon nang matagpuan ang bangkay ni Jesus Ve­races, may asawa, ng Barangay Maihao sa nasabing bayan. Walang saplot sa ibabang bahagi ng katawan ang biktima kung saan narekober din ang kapares na tsinelas ng babae. Huling namataang buhay ang biktima na nakikipag-inuman kina Egmedio Jamo-as, Teresita Villacorte, Raul Villacorte at Laarni Villacorte na pawang mga residente sa Barangay Poblacion.