P9-M ari-arian naabo

CAVITE ,Philippines  - Tinatayang aabot sa P9 milyong halaga ng ari-arian ang tinupok ng apoy matapos masunog ang ilang bahagi ng beach resort sa Barangay Pulborista sa Binakayan, Kawit, Cavite kamakalawa ng gabi. Nagsimulang kumalat ang apoy bandang alas-7:33 ng gabi sa Island Cove Resort and Leisure Park kung saan tinupok ng apoy ang La Covia  Function Room. Umabot sa ikatlong alarma ng sunog na tumagal ng dalawang oras matapos maapula ang apoy bandang alas-9:47 ng gabi habang patuloy pa rin ang imbestigasyon ng mga awtoridad.