23-anyos todas sa Christmas party

QUEZON, Philippines - Nabahiran ng pagluluksa ang masayang pagdaraos ng Christmas party ng magkakaibigan matapos na malunod ang isang 23-anyos na dalaga sa swimming pool sa Barangay Ilayang Iyam, Lucena City sa Quezon kamakalawa. Kinilala ng pulisya ang biktima na si Realinda Baylon ng nasabing barangay. Ayon sa imbestigasyon, dakong alas-4 ng hapon ay nagtungo sa Abadilla’s Swimming pool ang grupo ng biktima upang mag-Christmas party at overnight swimming. Subalit dakong alas-12 ng hatinggabi ay nawawala ang biktima at nang hanapin ay namataang nakalubog sa tubig ng swimming pool.Pinaniniwalaang nadulas sa gilid ng pool ang biktimang senglot kaya tuluyang nag-dive at nalunod.