Stude dedo sa washing machine

CAMARINES NORTE ,Philippines  – Kamatayan ang sumalubong sa isang 16-anyos na estudyante matapos makuryente habang naglalaba sa likuran ng kanilang bahay sa Sitio Bateres, Barangay Masalong sa bayan ng Labo, Camarines Norte kamakalawa ng umaga. Idineklarang patay sa St. John Hospital si Mark Sanetis. Sa imbestigasyon ng pulisya, lumilitaw na maglalaba sana ng mga damit ang biktima nang mahawakan nito ang maliit na bakal ng male plug habang sinasaksak sa kuryente ang washing machine. Dahil sa basa ang kamay mabilis na gumapang ang malakas na boltahe ng kuryente sa katawan ng biktima kaya nagkikisay ito.