Corres ng PSN pinatunayang matapat sa huling araw sa SBMA
- Ni Randy Datu () - August 3, 2011 - 12:00am

SUBIC BAY FREEPORT ZONE, Philippines – Bagama’t huling araw na niya sa trabaho, hindi nagdalawang-isip ang isang kawani ng SBMA na isauli ang napulot na pitaka na pag-aari ng isang Filipino-Australian senior citizen na naiwan ng automated teller machine (ATM) sa Subic Bay Freeport Zone.

Natagpuan ni Alexander “Alex” Galang, correspondent din ng Pilipino Star NGAYON, ang natu­rang pitaka na nakapatong sa ATM malapit sa Times Square Cinema na agad naman niyang itinurn-over sa Law Enforcement Department ng SBMA.

Naglalaman ang pitaka ng apat na tig-P1,000 bills, tatlong P500 bills at isang P20 bills kasama na ang South Wales driver’s license, mga identification cards, senior citizen discount card na nakapangalan kay Freddie Loyzaga gayundin  ang blankong Bank of Philippine Islands (BPI) cheque.

Sa follow-up naman na isinagawa ng mga Intellegence officer ng Law Enforcement Department sa pangunguna ni Special Investigator Aljoseph Abarro ay inihatid ang napulot na wallet sa nakasulat na address sa Block 17, Gordon Heights, Olongapo City kung saan naka-check-in naman ang may-ari sa Subic Venezia Hotel and Casino.

Sa panayam kay Galang, hindi sumagi sa kanyang isip na maaring mangailangan na siya ng pera sa mga darating na araw dahil hindi na ni-renew ng SBMA ang kanyang kontrata bilang photographer sa Media Production Department ng nasabing ahensya.

Sa panig ni Loyzaga na magbibigay siya ng letter of commendation para kay Galang at sa mga investigation officer ng SBMA.

BANK OF PHILIPPINE ISLANDS FREDDIE LOYZAGA GALANG GORDON HEIGHTS LAW ENFORCEMENT DEPARTMENT MEDIA PRODUCTION DEPARTMENT OLONGAPO CITY PILIPINO STAR SOUTH WALES SPECIAL INVESTIGATOR ALJOSEPH ABARRO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with