Rape sa nene nai-cell phone video

MANILA, Philippines - Nabuking ang panghahalay ng isang 30-anyos na lalaki laban sa isang 5-anyos na nene na binig­yan nito ng P2 pambili ng kendi matapos makunan ng video sa cell phone ng kanilang kapitbahay sa loob ng kulungan ng baboy sa bayan ng Borbon, Cebu, ayon sa ulat kahapon.

Positibong itinuro ng biktimang itinago sa pangalang Princess ang suspek na humalay sa kaniya may 2-araw na ang nakalilipas.

Walang kawala ang suspek matapos na madiskubre ang cell phone video footage na nagpapatunay na hinalay niya ang biktima.